Турската лира поскапе по победата на Ердоган
Објавено во: Балкан 02 Ноември, 2015 11:44
Убедливата победа на претседателската Партија на правдата и развојот (АКП) предизвика бурна реакција на меѓународните пазари. Акциите на турските компании пораснаа за 5 проценти за само неколку часа утринава. Освен тоа турската лира поскапе за 5,4% во однос на доларот. Според агенцијата „Блумберг“ тоа е највисокиот раст на турската лира на доларот од 2008 година.
Формацијата, блиска до претседателот Реџеп Тајип Ердоган, освои апсолутно мнозинство на предвремените парламентарни избори.
На вчерашните предвремени парламентарни избори „АКП“ го поврати мнозинството, кое и овозможува да состави влада. Со 49,3% изборна поддршка, партијата освои 316 места во 550-члениот парламент, а потребниот минимум за самостојна влада е 276 места. Илјадници приврзаници на партијата излегоа на улиците за да ја поздрават победата.
Претходно денеска Европската унија соопшти дека ќе соработува со новата влада на Турција по изборите, што е показател за „силната приврзаност“ на народот кон демократијата. Тоа го изјавиле првиот дипломат на ЕУ, Федерика Могерини и комесарот за проширување Јоханес Хан во заедничката изјава.
Можеби ќе ве интересира
Вјоса Османи се пофали дека уште една земја го призна Косово
Што вели Рама за идејата на новите членки на ЕУ да им се ограничи правото на вето?
(ВИДЕО) Пратениците во албанското Собрание се тепаа и фрлаа чадни бомби
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
