Турскиот пуч како акционен и политички филмски трилер
Објавено во: Свет 24 Септември, 2016
Турција планира да сними спектакуларен филм кој ќе ја третира темата за неуспешниот воен пуч на 15 јули кога повеќе бунтовници во армијата се обидоа да го урнат Ердоган од власт. Засега се најавува еден вид на холивудски акционен блокбастер со елементи на политички трилер.
Во филмот ќе биде прикажана терористичката организација ФЕТО предводена од исламскиот проповедник Фетула Ѓулен кои според турските власти се главни виновници за пучот и се прогласени за државни предавници.
Филмот за пучот ќе има огромен буџет, а улоги ќе добијат големите турски актерски ѕвезди како и актери од странство. Продуцентот на филмот Исмаил Озер посакува режисер од Холивуд да ја има главната палка. Премиерата се очекува да се одржи наредното лето.