Турција се подготвува да ги намали испораките на руски ТНГ со 25%
Објавено во: Балкан, Економија 03 Декември, 2015
Турција се обидува да ја намали енергетската зависност спрема Русија, откако односите меѓу двете страни почнаа да се влошуваат, пишува Reuters.
Таа се подготвува да го намали увозот на ТНГ со 25% во наредната година.
За сега 40% од возилата во Турција користат ТНГ, а од одлуката на Анкара се очекува да имаат корист производители од САД, Нигерија и Алжир.
Американските резерви на ТНГ може да нараснат до 12-14% за наредната година, при едвај 6% за 2015 година, на мислење е еден од најголемите увозници во Турција.
По соборувањето на рускиот авион Су-24 на 24 ноември, Москва го забрани увозот на голем дел турска стока. Според Кремљ леталото не влегло во турскиот воздушен простор. Се очекува дека изречените санкции можат да влијаат сериозно на проектот "Турски поток".
"Трурските фирми не се само разтевожени од намалувањето на испораките на руско гориво, поради заплетканата политичка ситуација - тие се подготвуваат сосема сериозно за најлоши очекувања", објаснува претставник на индустријата за Reuters.
Турција е силно зависна од испораките на руски природен гас и ТНГ, но и влоговите на Москва исто така се доста високи. Русија има потреба од "Турски поток", за да ги зголеми испораките за Европа, а изнаоѓање на нови пазари за руските извозници нема да е лесна задача.
21% од 5.2 милиони тони течен гас се извезува од Русија - и тој е наменет исклучиво за Турција. Според Reuters бизнисот меѓу двете земји создал приходи во износ од 1 милијарда долари за 2013 година и 800 милиони долари за 2014 година.
Ако Русија одлучи да ги пренасочи овие испораки кон други пазари, тоа ќе бара дополнителна енергија и повеќе време. Дефинитивно, Москва - која со години е во наострени односи со западните земји, не би сакала да се откаже од турскиот пазар, сметаат изворите на агенцијата.