Уапсен напаѓачот на пратеникот Горан Милевски
Објавено во: Македонија 03 Април, 2018
Министерот за внатрешни работи, Оливер Спасовски вечерва изјави дека е идентификувано и приведено лицето кое го нападна пратеникот и лидер на ЛДП, Горан Милевски.
Тој во емисија на ТВ Канал 5 кажа дека станува збор за лицето П.В. од Скопје, кое од порано и е познато на полицијата.
„Се преземаа мерки за расчистување на целиот овој напад што се случи. Ние идентификувавме лице. Беше дадено во јавноста за да може да биде препознаен неговиот идентитет. МВР го утврди идентитетот. Лицето е приведено во полициска станица и согласно насоките на Јавното обвинителство ќе се постапува понатаму“- вели Спасовски.
Спасовски изрази благодарност до сите граѓани кои доставиле информации и податоци за лицето на фотографијата, која беше објавена во јавноста.