Уапсените Срби за убиството во Закинтос не биле со криминални досиеа
Објавено во: Балкан 10 Јули, 2017
Министерот за полиција во соседна Србија Небојша Стефановиќ изјавил дека српските државјани кои се уапсени во Грција поради убиство на американскиот државјанин не и се познати на полицијата од претходно, пренесе Б92.
Како што рекол, се претпоставува дека „не се од криминогена средина“.
„Ние сме во контакт со нивните семејства и како држава правиме се што можеме“, рекол Стефановиќ пред новинарите после учеството на меѓународната конференција за безбеднсот на сообраќајот во Белград.
Тој додал дека се чека одлуката на грчките органи.
Министерството за надворешни работи на Србија соопштило претходно дека шест српски државјани се уапсени на грчкиот остров Закинтос во рамки на истрагата по повод убиството на државјанинот на САД во местото Лаганас. Грцчките власти претходно соопштија дека 34-годишен Грк и 32-годишен Британец со српско потекло се уапсени бидејќи американски турист е претепан до смрт во бар на грчкиот остров Закинтос.
Објавена снимката од претепувањето до смрт на американскиот турист во Грција
По наводите на полицијата од Грција, 22-годишниот Американец до смрт го претепала група луѓе во барот во областа Лаганас, во која учествувало силеџиско однесување на странски туристи.