Украина усвои закон за санкции против Русија

Добивај вести на Viber

Украинскиот парламент ја овласти владата да воведе трговско ембарго над Русија, која минатата недела исто така ја забрани слободната трговија помеѓу двете земји.

Законот беше поддржан од 291 пратеници од 420-локалната Врховна Рада на Украина и ќе стапи во сила од 1 јануари, откако ќе биде потпишан од претседателот Петро Порошенко, пренесува „Ројтерс“.

Минатата недела рускиот претседател Владимир Путин ја прекина слободната трговија со Украина од истиот датум со образложение за „исклучителни околности кои влијаат на интересите и економската безбедност на Русија“.

Тоа беше одговор на спогодбата за слободно тргување помеѓу Киев и Европската унија, што влегува на сила следниот месец. Според Москва, Русија ќе се поплави со европски стоки и ќе ја намали конкурентноста на нејзиниот извоз во Украина.

Според Украина економската војна со Русија може да ја чини 600 милиони долари во 2016 година, но е „подготвена да ја плати цената“.

Токму трговскиот договор на земјата со ЕУ ги предизвика првичните немири во Киев, кои доведоа до падот на најблискиот до Москва претседател Виктор Јанукович во 2014 година и најтешката криза во односите помеѓу Украина и Русија во последните години.