Универзалниот снабдувач ќе биде познат за еден месец, што ќе се случи со цената на струјата и евтината тарифа?
Објавено во: Економија 31 Декември, 2018
Универзалниот снабдувач со електрична енергија на оние домаќинства и мали претпријатија кои нема да изезат на либерализираниот пазар на струја ќе биде познат до крајот на јануари, вели Марко Бислимовски, првиот човек на Регулаторна комисија за енергетика за Дојче Веле.
Претходно, на повикот што го распиша Владата, согласно новиот закон, се јавија само две компании - ЕВН Снабдување и ЕЛЕМ Трејд, фирма-ќерка на Електрани на Македонија. ЕВН Снабдување понуди почетна маржа од 14,4 % а ЕЛЕМ Трејд 14,9% бруто маржа :
„Во тек е проверка на документите што се доставени, следно ќе биде аукција на која треба да има поддавање. Почетната цена на маржа ќе биде 14,4 и ќе се намалува. Инаку постапката за избор на Универзален снабдувач ќе биде готова до крајот на јануари. Додека не се избере нов Универзален снабдувач, ЕВН ќе ја снабдува потребата на граѓаните“, објаснува Марко Бислимовски.
Тој уверува дека со изборот на универзаен снабдувач и либерализирањето на пазарот на електрична енергија нема да има поскапување на страујата, особено не до следното лето, а и дека нема да се укинува евтината тарифа за 500.000 домаќинства и мали фирми.
Во Македонија лиценци за снабдување на електрична енергија имаат 20 фирми, но само осум се активни и со нив може да се склучуваат договори.