Добивај вести на Viber
Едно лице на Клиниката за инфективни болести, кај кого е лабораториски потврдено присуство на бактеријата листерија и со дијагноза менинго енцефалитис, се наоѓа во критична состојба, изјави директорот на Инфективната клиника Звонко Миленковиќ.
Меѓу заболените има уште едно дете, хоспитализирано на Детската клина, чија состојба се подобрува. Пациентот кој е во критична состојба подолго време се третира на Клиниката и покрај тоа што е постигната комплетна елиминација на причинителот, односно комплетно санирање на клиничкиот синдром.
„Причинителот го има насекаде, меѓутоа болеста може да ја добијат само оние кои се екстремни возрасти, бремени жени и имунокомпромитирани. Дури и внесена во организмот листеријата во вообичаени концентрации не може да даде никакви симптоми, рече Миленковиќ и додаде дека кај здрави лица со подобар имунитет заболувањето поминува со полесна клиничка слика, со стомачни проблеми, дијареја, температура која трае неколку дена и спонтано поминува“, вели Миленковиќ
Болеста не се пренесува од човек на човек ако се исклучи опцијата од мајка на плод.
„Во јули во последните денови наеднаш се регистрирани три случаи што создаде кај нас аларм да провериме за што се работи. Листериозата како заболување не е пријавена во Македонија претходните години, а како изолат од храна регистрирана е кај три примероци минатата година и три примероци оваа година со тоа што годинава имаме пријавено и заболување“, вели раководителот на Секторот за превентивна здравствена заштита при Министерството за здравство Јованка Костовска.
Изворот на заразата со листерија не е откриен, а
Агенцијата за храна и ветеринарство спроведува вонредни контроли на храна во продавниците, магацините и на зелените пазари.