УШТЕ ЕДНА ШВАЈЦАРСКА БАНКА ПРИЈАВИ ПАД НА ПРОФИТОТ - Џулиус Баер е погодена од падот на пазарите на капитал кое не е видено со децении
Објавено во: Финансии 25 Јули, 2022
Банката Јулиус Баер денеска објави пад на добивката на акционерите за 26 отсто за првата половина на 2022 година, велејќи дека се соочува со еден од најлошите шестмесечни периоди за пазарите на капитал забележан во последните децении.
Нето добивката што им се припишува на акционерите падна на 451 милион швајцарски франци (468,28 милиони долари).
Приватната банка со седиште во Цирих соопшти дека нејзината актива паднала за 11 отсто - на 428 милијарди франци, бидејќи била погодена од падот на светските пазари.
Извршниот директор Филип Рикенбахер рече дека тој период доживеал „невидени геополитички настани кои имале големо влијание врз вреднувањето на средствата и расположението на клиентите“, пренесува Ројтерс.
Сепак, банката соопшти дека имало „значително закрепнување“ од 1,5 милијарди франци во нето-нови пари од крајот на април, неутрализирајќи го одливот од 2,7 милиони франци во првите четири месеци од годината.
Клиентите од Западна Европа придонесоа за приливот, велат од банката, а се додава и влијанието на азиските клиенти, кои ги раздолжуваат своите портфолија од март.
Фото: EPA/ STEFFEN SCHMIDT