Условот да се задржат сите вработени за државна помош мора да е пофлексибилен
Објавено во: Економија 09 Април, 2020
Може да биде и тешко да се исполни условот за задржување на сите вработени до септември кој го бара државата од фирмите за да им субвенционира минимална плата за работниците. Стопанствениците велат дека може да има ситуации вработените дури и сами да си одат, па затоа бараат поголема флексиблнист од Владата. Од Стпанската комора на Макеоднија велат дека е добро што има мерки но велат дека компаниите прашуваат за сите аспекти.
„Секоја компанија што сака да користи финансиска поддршка од Владата за исплата на минимална плата треба бројот на вработени што го имала во месецот за кој побарала ваква финансиска поддршка да го задржи непроменет заклучно со септември 2020 година.
- Што ако во предвидениот период некој самоволно си замине од компанијата?
- Што ако некој направил сериозна повреда на работните обврски?
- Што ако компанијата има вработени на пробна работа на кои договорот им истекува во јуни, а не сака да им го продолжи договорот заради несоодветно извршување на работните задачи и непридржување кон договорот за работа кој го склучиле со работодавецот?
- Што ако компанијата имала работници што се времено ангажирани кога аплицирала за помошта, велат од Стопанска комора.
Апелираат до Владата да овозможи воведување на одредена флексибилност, изразена како мал процент на отстапување, за обврската компаниите да мора да го задржат бројот на вработени непроменет до септември годинава кога компанијата користи некоја од погодностите предвидени со мерките на Владата.