Утре состанок на комисијата, се бара и Св.Климент да не се национализира

Добивај вести на Viber

Бугарската страна од мешовитата комисија за ревизија на историјата во учебниците и потеклото на историските личности формирана согласно договорот за добрососедство ќе бара од македонската да не се национализира овој светец, иако тој важи за „татко на македонскиот морал“.

Тимот од Скопје кој во вторник е домаќин на на 4 –тата средба ќе се обиде да донесе заклучок и за Цар Самоил, и за охриѓанецот Гиргор Прличев како да ги празнуваат двете држави, но и да ги надимант разликите кој полага право на нивниот придонес.

Според директорот на Институтот за национална историја, професорот Драги Ѓоргиев целта на Комисијата е сето тоа толкување на минатото од пред илјада и повеќе години да се денационализира, да не им се дава на тие настани и личности национална конотација од современ аспект, односно нашето денешно национално чувство да не се рефлектира 1000 години наназад, бидејќи објективно такво чувство и не постоело во тоа време.

-Не можете вие да го национализирате свети Климент или свети Наум, или браќата Кирил и Методиј. Тие се христијански просветители, духовни лица на кои не може вие да им дадете националност.Тие дејствувале во одредени држави, во Византија и во Бугарската средновековна држава, меѓутоа нив тоа не ги прави ниту Бугари, ниту Грци, ниту Македонци во современа смисла. Целта е да им се даде на идните генерации кои ќе учат од бугарските и од македонските учебници идеја за космополитизмот на тие луѓе, за некои општи вредности кои тие ги оставиле на следните генерации, а не да ги присвојуваме како теснонационални херои. Во таа смисла ќе одат и дискусиите околу учебниците, вели Ѓоргиев меѓудругото во разговор за МИА.