Великанот Будуќност би можел како домаќин во Евролигата да игра во Јане Сандански
Објавено во: Балкан 15 Април, 2018
Црногорскиот кошаркарски великан Будуќност по освојувањето на АБА-лигата и автоматскиот пласман во Евролигата, настапите како домаќин во ова елитно натпреварување би можел да ги игра во нашиот СРЦ „Јане Сандански“.
Според Спортмедиа, настапот во најелитното европско клупско натпреварување на Будуќност виси поради не исполнување на еден од главните услови – сала со капацитет од најмалку 5.000 седишта. „Морача" може да собере само 4.000.
Будуќност првите неколку натпревари од Евролигата би можел да ги игра во Скопје, поточно во „Јане Сандански". Оваа сала ги исполнува сите услови за да се одигра меч од рангот како што е Евролигата. Капацитетот на „Јане Сандански" е 6.500 седишта, салата е близу до аеродромот во Скопје, а голем плус е што е во склоп на хотелот „Русија".