Весна Петрушевска: Ембла е жртва на полусветови, примитивни и неуки луѓе
Објавено во: Македонија 03 Февруари, 2022
Aктерката Весна Петрушевска го коментира случајот со Амбла Адеми, девојче со Даунов синдром, кое се соочи со дискриминација на училиште.
Вели дека Ембла е жртва на полусветови, примитивни и неуки луѓе. Според актерката, ние живееме во земја каде се нема емпатија и сочуство.
„Не постојат деца со посебни потреби, постојат луѓе без посебен капацитет на мозок или пак шуплива празнина во сопствената лобања. Ќе ви раскажам нешто што на Мина и се сличуваше после немилиот настан ...ја запишав во Јаха Кемал си велам ќе и биде поарно, помалку деца, поголемо трпение. Ама не!!Се собраа родители од нејзиниот клас и рекоа дека ако не се отпише Мина тие сите ќе си напуштеле школото. Ова ми го кажаа само после два месеца откако Мина почна со школо во Јаха Кемал. Началството ме замоли да не сум правела проблем......бев бесна, лута, Џамбазов имаше идеја да им застанеме пред школо ќе се собереше народ ќе го затвореа. Да,после таков стрес детето е недоверливо и агресивно“, пишува актерката.
Веста за дискриминација на девојчето од Гостивар, наиде на остра осуда од јавноста. Реакцијата на нејзиниот татко Илир дека таа менувала одделенија или учела сама во посебна училница во ОУ „Единство “, поради петиција на родителите на другите ученици, ги алармираше и инстутициите. Денеска имаше состанок во Општината за да се изнајде решение.