Ветеринарите бараат помал данок
Објавено во: Економија 12 Мај, 2018
Ветеринарните лекари бараат намалување на данокот на додадена вредност (ДДВ) за ветеринарните услуги и ветеринарно-медицинските препарати (лековите) од 18 на пет отсто, објави ТВ21.
Ова барање, велат, изминативе четири години неколкупати го доставувале до Министертвото за финансии, но позитивен исход се уште нема. Се жалат дека сега се оданочени како фризери и козметичари, наместо да бидат изедначени со дејностите здравство и земјоделство.
– Намалувањето на даночната стапка нема да има значајни фискални импликации врз државниот буџет за што имаме изготвено и специјална студија, а импутот би бил многу голем за развој на ветеринарната професија и за давањето поквалитетни ветеринарно-здравствени услуги, што, пак, ќе се рефлектира и врз сточарското производство и врз јавното здравје, вели за МИА претседателот на Ветеринарната комора Томислав Николовски.
Според него, со намалувањето на данокот значително ќе се намали и внесот на нерегистрирани лекови кои се пуштаат во промет на нелегален начин.