(ВИДЕО) ЦРН БИЛАНС: Само денеска во поплави загинаа повеќе од 180 луѓе
Објавено во: Свет 18 Август, 2018
Во Керала, Индија распоредени се илјадници војници каде поради поплавите на илјадници луѓе им е потребна помош. Повеќе од 85.000 луѓе досега се раселени, а спасувачки екипи со помош на хеликоптери и чамци евакуираат стотици други загрозени семејства.
Во поплавите само денеска загинаа околу 186 луѓе со што бројот се зголеми на повеќе од 300 загинати, информираа властите и додаваат дека стравуваат дека ваквата бројка би можела и натаму да расте. Дождови може да се очекуваат и во наредните денови, соопштија метеоролозите.
Во Керала врне повеќе од една недела. Многу граѓани останаа без покрив над глава, а досега над 100.000 луѓе се сместени во прифатни кампови.