(ВИДЕО) Две мали деца 44 часа преживеале во шума
Објавено во: Свет 04 Март, 2019
Исчезнати сестри oд 8 и 5 години, 2 дена преживеале сами во дивината.
Тие во петокот исчезнаа во Северна Калифорнија, пронајдени се по големата потрага со хеликоптери и кучиња трагачи.
Сестрите Карико, Леа (8) и Керолајн (5), ги пронашол командантот на противпожарната единица и еден пожарникар, кои ги следеле трагите на чизмите што ги носеле девојчињата.
„Ова е вистинско чудо“, рекол локалниот шериф, Вилијам Хонсал.
Девојчињата се членови на локален клуб каде што се обучувани како да се преживее на отворено и верува дека тоа им помогнало.
По исчезнатите сестри трагале повеќе од 100 полицајци и спасувачи, вклучувајќи и припадници на Националната гарда и американската крајбрежна стража.
Тие за последен пат се забележани во петокот околу 14:30 по локално време, пред нивниот дом во Бенбоу, мал град 320 километри северозападно од Сакраменто.
Девојчињата се најдени во саботата. Спасувачите стигнале до нив откако наишле на стапки од нивните гумени чизми и обвивки од чоколатца кои сестрите ги оставиле зад себе.