(ВИДЕО) ФРАНЦУЗИТЕ ПАЛАТ СЕ ПРЕД СЕБЕ: Не сакаат скапи горива
Објавено во: Свет 24 Ноември, 2018
Повеќе од 100.000 демонстранти од движењето „Жолти елеци“ се собраа денеска низ цела Франција, вклучувајќи и 8.000 луѓе во Париз, додека минатата сабота до 15 часот беа собрани 244.000, според Министерството за внатрешни работи, пренесе париски Монд.
Ова го соопшти министерот за внатрешни работи на Франција Кристоф Кастанер во изјава за медиумите.
„Во демонстрациите на територијата на земјата денеска, во екот на настаните на пладне, учествуваа 106 301 илјади лица. Тоа е значително помалку од минатата сабота, кога бројот на демонстрантите беше околу 282 710 илјади лица. Вкупно 1 619 протести беа одржани во Франција. 130 лица беа уапсени и приведени", изјави шефот на Министерството за внатрешни работи.
Жесток судир имаше во Париз, каде во демонстрациите учествуваа активисти на крајно десничарските кругови.
Претседателот на Франција, Емануел Макрон, против чија политика беа демонстрациите, го осуди насилството во пост на Твитер.
Околу 30.000 демонстранти го повикаа Макрон да поднесе оставка, откако цената на дизелот скокна за 23% во последните 12 месеци. Некои демонстранти ја пееја националната химна, додека други носеа знамиња и извукаваа: “Макрон, Оставка” и “Макрон, крадец”.
Макрон застана во одбрана на одлуката за зголемување на цените на бензинот, во која се наведува дека оваа мерка е неопходнa со цел да се намали зависноста од фосилни горива на Франција и најави дека на почетокот на следната недела ќе претстави нови планови за да се олесни „енергетската транзиција“.