(ВИДЕО) ИНЦИДЕНТ НА КОСОВО: Припадници на РОСУ се обидоа да извадат Србин од автомобилот
Објавено во: Балкан 22 Септември, 2021
Специјалните сили РОСУ се обидоа да извадат Србин од автомобилот, по што реагираше КФОР.
Попладнево се случи инцидент на граничниот премин Брњак во кој припадниците на косовските специјални полициски сили се обиделе насилно да извлечат возач од автомобил со КМ регистерски таблички.
Според непотврдени информации, полицијата побарала од државјанинот од српска националност да излезе од автомобилот и да му ја отстранат регистарската табличка КМ, што тој го одбил, поради што почнале да го извлекуваат од автомобилот.
Србите кои протестираат се собраа на местото на инцидентот. Според „Косово онлајн“, возачот успеал да избега на безбедно.
Премиерот на Kосово, Албин Курти, денеска ги повика граѓаните лично да ги предадат српските регистарски таблички и рече дека нема да преземе ништо против српскиот министер во косовската влада, Горан Ракиќ, кој им се придружи на граѓаните на административниот премин Јариње, пренесува Коха.