(ВИДЕО) Како охридски судија примил поткуп, а завршил само со условна казна
Објавено во: Македонија 24 Април, 2020
Во последните 12 години биле разрешени 43 судии, но само малкумина биле обвинети покрај губењето на функцијата. Судскиот совет ги разрешувал судиите поради нестручно и несовесно работење, но ретко кога навлегувал подлабоко и утврдувал дали за чувањето на предмети во фиока, за ненапишани пресуди или намерно одолговлекување на предметите се крие и корупција или само нестручност и несовесност.
Таков е и случајот со охридски судија кој се пазарел со странката да пресуди во негова корист. Осуден е затоа што примил поткуп од претставник на локално претпријатие за транспортни услуги, но нема да заврши во затвор, бидејќи неговата казна е условена. Тој не бил суспендиран и продолжил да ја врши својата судиска функција, речеиси цела година и по правосилноста на прессудат против која се жалел пред битолскиот ашелационен суд.
Судијата Ристе Силјаноски, според пресудата на Основниот суд во Струга, потврдена со пресуда на Апелациониот суд во Битола, нема да заврши една година во затвор на колку што е осуден, доколку во наредните две години не направи ново кривично дело, заклучиле Основниот и Апелациониот суд, покажува истражувањето на „Парадокс“ во потрагата по „валкани судии“.
Во меѓувреме вишиот јавен обвинител од Битола Зора Сотирова побарала пресудата да се преиначи и да биде само ефективен затвор, а не и услов, но судот го одбил овој предлог. Дали судиите во локалните средини се поподложни на корупција, затоа што во малите средини се знаат меѓу себе, можат често да се сретнат низ градовите и на тој начин да се впуштат во коруптивно однесување?
Детали за оваа сторија најавува „Парадокс“ во емисијата „Стадион“ на Канал 77. Утре во 10.00 часот открива што се крие зад чувањето предмети во фиока? Ненапишани пресуди или намерно одолговлекување на предметите?