(ВИДЕО) ЛОВ НА УБИЕЦОТ ВО БЕРЛИН: Кој е Пакистанецот, каде се возачот и пиштолот?
Објавено во: Свет 21 Декември, 2016
Пакистанецот, кој меѓу другото поминал низ Балканот и Србија на пат до Германија, без основа е осомничен за терористички напад кој е извршен во Берлин.
Германската полиција 23 годишниот Навед Б. го окарактеризирала како возач на камионот кој на божиќниот саем во метрополата убил 12 луѓе.
Првичните сомненија ги поттикна изјавата на министерот за внатрешни работи Томас де Мезиер дека истражителите не знаат што зборува Навед бидејќи зборува на дијалект за кој полицијата немала преведувач.
Низ медиумите се рашири приказната дека неименувана личност која се наоѓа на местото на трагедијата го вперила прстот во младиот Пакистанец, со тврдење дека го видела како излегува од кабината на камионот и бега низ улицата се до централниот градски парк, Тиргартен. Сепак, возачот избегал, а полицијата врз основа на описот на сведоците го уапсила Навед во непосредна близина на местото на кое се одржувал божиќниот саем.
Кога истражителите сфатиле за што говори Навед го пуштиле од притвор, навел дека бил на саемот како посетител, но тргнал да бега кога помислил дека сведоците можат да го означат како починител на злосторството.
На неговата облека не е пронајден примерок од крв слична на онаа која е земана од кабината, а на неговите раце немало ниту барутни честици, што ги наведува истражителите да се посомневаат во својот „плен“ бидејќи се смета дека извршител на нападот го убил возачот на камионот, полски државјанин, чие тело е пронајдено на совозачкото седиште.