(ВИДЕО) Министерот Димковски и неговиот ривал Трипуновски се расправаа на протест
Објавено во: Економија 20 Септември, 2019
Трајан Димковски, министерот за земјоделство, шумарство и водостопанство, вчера упадна на протест на лозари со блокада на патот Прилеп - Градско кај Росоман. Таму беше и претседателот на Комисијата за земјоделство на ВМРО-ДПМНЕ Цветан Трипуновски, кој беше обвинет од Димковски дека го организира протестот без да се произнесат кои се проблемите и барањата. Трипуновски пред групата рече дека е дојден на блокадата за да даде поддршка, а не за да ја организира.
Земјоделците побараа оставка од министерот кој се затекна на протестот, а од владеачкиот СДСД потоа излегоа со соопштение дека се работи за присутни членови на ВМРО-ДПМНЕ од Кавадарци, пратеничката Весна Пемова, секретарот на ОК Кавадарци, членови и претседателот на УМС Кавадарци, вработени во администрацијата, а предводени од Трипуновски.
Димковски потоа реагираше дека Трипуновски во иднина сака да биде министер за замјоделство, односно да дојде на неговата позиција.
„Да поддржуваш протест, а да не знаеш зошти си таму, е мои земјоделци токму оваа лице сака да ви биде министер за земјоделство во Влада на ВМРО ДПМНЕ.
Изборот е ваш“, напиша Димковски на социјалните мрежи.
Трипуновски пред присутните го повика на ТВ-дуел за актуелните случувања во земјоделството, а Димковски го прифати предизвикот и му порача да одбере време и телевизија.
„На денешниот протест на лозарите и овоштарите во Росоман јавно го повикав министерот Димковски на тв дуел и конечно прифати да се соочиме пред очите на јавноста и да дебатираме за погубните политики кои ги води СДСМ во последниве три години откако се на власт“, објави потоа Трипуновски.
Присутните рекоа дека бараат загарантирана цена на грозјето, бидејќи откупната била 9 денари по килограм, а исто така и укинување на акцизата.
Можеби ќе ве интересира
Кина има за цел да склучи повеќе договори за слободна трговија, ветувајќи зголемена отвореност
НАЈГОЛЕМИТЕ ЕКОНОМИИ ГИ ПОДБРАА БОГАТАШИТЕ: Милијардерите да плаќаат даноци за да ја надоместат штетата на светот
Бугарскиот „Флекс Кредит“ ќе врти кај должници и ќе бара наплата за компании
СТАНОВИ И КАНЦЕЛАРИИ „ТЕШКИ“ 600 ИЛЈАДИ ЕВРА ОДАТ НА БАРАБАН: еве каков имот нудат банките на продажба
ССМ НАЈАВИ ПРОТЕСТ ЗА 1 МАЈ: Бараат минималецот да изнесува најмалку 450 евра
„ДОЈЧЕ БАНК“ ГИ ИЗНЕНАДИ АНАЛИТИЧАРИТЕ: Ја објави нето добивката
НОВИ ПРОБЛЕМИ ЗА „БОИНГ“: ќе плати 443 милиони долари на авиокомпаниите за приземјувањето на авионите Max 9
ДАЛИ Е ОВА НАЈВИСОКАТА НЕТО ДИВИДЕНДА? Изнесува 35 евра за акција, а приносот е 7 отсто
Економската зона Ченгду-Чонгкинг е еден од главните мотори на идниот економски раст на Кина
