(ВИДЕО) ОВА Е РАКЕТАТА СО КОЈА ТРАМП УДРИ ВРЗ СИРИЈА: Истото оружје ја опустоши и Југославија во 1999 година

Добивај вести на Viber

Американската војска синоќа го нападна сирискиот аеродром во Шајрат со лансирањето на 59 ракети од типот на „Томахавка“ како одмазда за употребата на хемиското оружје во Идлиб.

Претседателот на САД, Доналд Трамп наредил воени напади на Сирија вчера поради користењето на хемиското оружје кое убило најмалку 86 луѓе вклучувајќи и деца. Два воени бродови во источниот Медитеран лансирале 59 ракети на воените бази на сириската влада, соопштија американски претставници.

„Томахавк“ е крстаречка ракета од среден домет, а далечината која може да ја помине е од 1 250 км до 2500 км. Истите ракети се користени во бомбардирањето на Југославија во 1999 година , а на сличноста на овие два напади укажаа и поедини руски претставници.

„Тоа е она за што е направена „Томахавк“. Удира на ниско ниво и тоа во фиксни објекти без ризик по воздушната посада“, истакнал Рик Францон, пензиониран американски потполковник на воздухопловството.

„Томахавк“ ракетите се испалени од море и патуваат релативно ниско, близу до земјата, и се водени од напредни навигациони системи, што значи дека САД може да целаат во воздухопловните бази на Сирија отдалеку.

„Томахавк“ може да биде опремен со 453 км конвенционални боеви глави, рекла морнарицата. Иако овие ракети имаат можност да носат нуклеарен терет, политичарите ја отстраниле оваа можност.