(ВИДЕО) ПАДНА И НАЏИМ: Уапсен третиот осомничен бомбаш за нападот во Брисел!

Добивај вести на Viber

Третиот осомничен бомбаш од аеродромот кој беше во бегство, Наџим Лахрауи, е уапсен денеска во Андерлехт, како што пренесе Раша тудеј повикувајќи се на извештаите на белгиските медиуми. Оваа вест на Твитер профилот и сајт ја објави белгискиот весник „DH“.

[embed width="700" height="450" ]https://youtu.be/2d8-U8nORHo[/embed]

Тој е роден на 18 мај 1991 година во Шарбек, општина во регионот на Брисел.

Полицијата од претходно трага за Лахрауи, бидејќи негова ДНК е најдена во куќите кои ги користеле лицата кои лани ги изведоа нападите во Париз, соопшти бриселското обвинителство.

[embed width="700" height="450" ]https://twitter.com/ladh/status/712577344628719616?ref_src=twsrc%5Etfw[/embed]

Лахрауи во септември лани патувал во Унгарија со Салах Абдеслам, главниот осомничен за нападите во Париз.

Претходно белгиските медиуми јавија дека двајцата бомбаши-самоубијци, кои ги изврпија нападите на бриселскиот аеродром, се идентификувани како браќата Халид и Брахим Ел Бакрауи, кои од претходно и се познати на полицијата.

[button color="orange" size="medium" link="http://faktor.mk/2016/03/23/vnimavajte-na-ovoj-detal-shto-e-toa-shto-gi-izdade-atentatorite-vo-brisel/" target="blank" ]ВНИМАВАЈТЕ НА ОВОЈ ДЕТАЉ: Што е тоа што ги издаде атентаторите во Брисел?[/button]

Бриселски неофицијални информации, наведоа дека тие биле жители на Брисел.

Халид Ел Бакрауи под лажно име изнајмил стан во белгискиот главен град и тоа во делот каде полицијата при минатонеделната рација уби еден напаѓач.

Во текот на таа рација, истажувачите нашле знаме на Исламска држава, автоматска пушка, детонатори, и отисоци од присти на главниот осомничен за нападите во Париз, Салах Абдеслам, кој е уапсен три дена подоцна, потсетува Ројтерс.

Браќата Ел Бакрауи имаат кривични досиеја , но досега не биле поврзувани со тероризам.

[embed width="700" height="450" ]https://twitter.com/itele/status/712538840150499328?ref_src=twsrc%5Etfw[/embed]

Инаку, Белгијанците полека се враќаат на нормалниот живот, после вчерашниот терористички напад, но се зголемени мерки на безбедност и четврто највисоко ниво на подготвеност.

Училиштата денеска ќе работат, како и железничката, додека метрото ќе работи делумно. Аеродромот каде се случи нападот ќе биде и понатаму затворен за сообраќај.

Истовремено, белгиската влада ги повика жителите денес на пладне со минутно молчење да им се оддаде почит на настраданите во нападите. На еден од централните плоштади во Брисел-Плоштадот Бурс се собрале голем број луѓе кои палат свеќи во знак на сеќавање на жртвите на нападот. На нив им се приближил и белгискиот премиер Шарл Мишел.

Перуанката Аделма Тапиа Руиз е првата идентификувана жртва на бомбашкиот напад , соопшти МНР на Перу.

Таа требало да лета за Њујорк, да се види со нејзините сестри.