(ВИДЕО) РАСКОЛ МЕЃУ АРАПИТЕ: Шест земји го шутнаа Катар поради врски со исламистите

Добивај вести на Viber

Бахерин, Саудиска Арабија, Египет, Обединетите арапски емирати, Јемен и Либија ги прекинаа дипломатските врски со Катар, поради наводите на поддршка која таа земја им ја дава на исламистите.

Според официјално соопштение на Бахерин, потегот бил мотивиран од трајни обиди на Доха да ја дестабилизира ситуацијата во Бахерин.

„Со оглед на инсистирање на државата Катар и понатаму да трае дестабилизацијата на безбедноста и стабилноста во Кралството Бахерин и мешање во нејзините работи, продолжение на ескалацијата и поттик на медиумите и поддржување на вооружени терористички активности...Кралството Бахерин најавува прекин на дипломатските односи со државата Катар“, се вели во соопштението.

Бахерин на Катарските дипломати им даде 48 часа да ја напуштат територијата на царството. Исто така Манама ги суспендираше сите комуникации со Доха и им забрани на граѓаните на Катар да го посетуваат Бахерин.

Неколку минути подоцна, Ријад, Каиро и Абу Даби дадоа слични изјави додека Саудиска Арабија и Египет исто така ја суспендираа воздушната и морска комуникација со Катар.

„Владата на Арапската Република Египет одлучи да ги прекине дипломатските односи со Катар поради постојаното непријателство на Катарските власти кон Египет“, тврди египетското министерство за надворешни работи.

Истовремено, коалицијата која е на чело на Саудиска Арабија најави откажување на катарското учество во воената операција во Јемен, наведувајќи ја поддршката на Доха Ал Каиди и Исламската држава на терористички групи.

Судирот меѓу Катар и нејзините соседи доаѓа недела дена после Арапско исламскиот американски самит во Ријад.