(ВИДЕО) Робот ќе ги чита вестите на јапонската телевизија
Објавено во: Свет 31 Јануари, 2018
Запознајте ја Ерика - нов тв водител на телевизија во Јапонија. Таа е хуманоиден робот создаден да личи на 23-годишна жена и наскоро ќе започне да го соопштува најважното од светот во земјата, пренесува Wall Street Journal.
Според креаторот на Ерика - Хироши Ишигуро - директор на Лабораторијата за интелигентна роботика на Универзитетот на Осака, Ерика ќе го замени водителите на вестите во април, наведува "Дејли Меил". За почеток таа ќе може да чита сценарија, да седи на столот на водителот и да се однеува во живо како човек, со што "ќе биде квалификувана" да ја врши работата на еден водител. Сепак, Ерика нема да ги напише вестите сама. Тоа е она што луѓето ќе го сторат.
Ишигуро вели дека првично андроид бил создаден за да биде рецепционер. Според неговите зборови, она што ја разликува од другите машини за вештачка интелигенција е “нејзината харизма“. Ерика има најнапреден синтетички систем на вештачки говор во светот. Ерика може да ги следи луѓето во собата благодарение на 14 инфрацрвени сензори за светло и технологија за откривање на лице. Таа може да дознае од каде доаѓа звукот и кој ги поставува прашањата. Ова ѝ овозможува да реагира на човечкиот говор релативно автономно.
Според нејзиниот творец, Ерика е толку реална што изгледа дека има „душа“.