(ВИДЕО) СЕ УРНА БРАНА: Има загинати, а над 6.600 луѓе останаа без дом
Објавено во: Свет 24 Јули, 2018
Неколку луѓе се загинати, а повеќе од 6.600 се без дом, додека стотици луѓе се исчезнати откако во југоисточниот дел на Лаос пукнала брана, објави официјалната новинска агенција КПЛ, објави Гардијан.
Се срушила брана на хидроелектраната во провинцијата Атапеу и предизвикала поплава во шест соседни села, јави новинска агенција од Лаос.
„Повеќе човечки животи се изгубени, а неколку стотици се водат како исчезнати“- додаде агенцијата.
Околу 6600 лица останале без покрив над глава поради поплавите предизвикани со рушење на браната.
Не се знае како дошло до нејзино рушење. Премиерот на Лаос, Тонглоун Сисоулит ги одложил состаноците во владата и се упатил кон областа погодена од поплавите.
Локалните власти од владата побарале помош за жртвите, како облека, храна, вода за пиење и лекови.