(ВИДЕО) Собир на СПЦ во Подгорица поради црковиот имот
Објавено во: Балкан 15 Јуни, 2019
На платото пред Соброниот храм на Христовото воскресение во Подгорица започна народниот собир на СПЦ, кој би требало да биде уште еден вид протест против спорниот закон, зад кој стои црногорскиот претседател Мило Ѓукановиќ.
Со овој закон се овозможува земање на имот на СПЦ во Црна Гора. Српскиот претседател Александар Вучиќ ја коментираше реакцијата на официјална Подгорица на неговата „молба“, тамошните власти да не го поддржат предложениот закон за слобода на вероисповед, оценувајќи дека е „изненаден од реакцијата на Владата на Црна Гора, бидејќи на ниту еден начин не се мешал во нивните внатрешни работи“ и дека не ги „советувал“, како што тие тврдат.
Црногорската Влада експресно одговори дека не дозволува никој да и се меша во внатрешните работи.
Шефот на српската дипломатија, Ивица Дачиќ оцени дека рекацијата на Владата на Црна Гора е „избрзана“ и „непримерна“.
Српските медиуми пишуваат дека црногорската полиција запрела автобуси со луѓе кои сакале да одат на собири.