(ВИДЕО) ТИЕ ЈА ПРЕЖИВЕАЛЕ АПОКАЛИПСАТА ВО ГРЦИЈА, А ОВА ГО СВЕДОЧАТ: Видовме пеколни сцени

Добивај вести на Viber

Жителите од регионот Атика кој речиси го проголта огнена стихија го опишале ужасени  како боси само во долна облека бегале за да се спасат од пожарот кој голтал се пред себе во овој дел на Грција.

Зад нив останал само пепел и морничави слики на деца и луѓе кои гореле и на кои им немало спас.

Грчкиот сајт Прототема објави страшни сведочења на преживеани од местото Неа Вуја. Покрај тоа што во пожарот изгубиле се што имале, останале без домовите, гледале како луѓето им умираат пред очи додека се обидувале да избегаат од разбеснатиот оган.

Оние кои имале среќа да преживеат, меѓу кои имало и постари луѓе, избегале во последен момент на сигурно.

Мајки со деца во раце трчале кон плажа, со надеж дека таму ќе пронајдат засолниште од пламените. Некои успеале да преживеат, а некои не. Една мештанка никогаш нема да ја заборави сликата на девојче кое горело пред нејзини очи.

-Слушнав како некој вика помош, се свртев и видов девојче од 15 години како целата гори. Трчаше кон морето и скокна од висина од 15 метри како се спасила. За жал не успеала. Само го видов чадот кој го прекрил небото зад неа“, опишала таа.

Друг преживеан изјавил дека него и неговото семејство „ги бркал оган“ и дека се спасиле со скокање во море.

-Пламенот веќе ни ги зафати рамениците пред да скокнеме во море. Си реков самиот на себе мораме да избегаме ако мислиме да останеме живи-рекол Костас Лаганос.

Кога видела дека огнот се доближува до нејзината куќа, една мајка ги зграбила двете деца од три и шест години, и сама во долна облека и папучи трчала кон плажата.

-Додека ги носела во раце, одела преку оган и пепел, додека нозете и гореле. Успеале да стигнат до водата и да го изгаси огнот од нозете, цело време држејќи ги децата цврсто во раце како не би паднале во море-раскажала една од преживеаните.

Грчкиот сајт Прототема пренесува како илјадници луѓе избегале во пристаништето од пожарот, каде чекале помош подолго од два часа. Кога помошта конечно стигнала околу 2 часа по полноќ, веќе било доцна....

Волонтерот Никос Манесис видел страшна сцена во која луѓе гореле заглавени во  коли а единствено што им преостанало било да се прегрнат. Тој поставил фотографија од местото каде ја видел таа страшна глетка.