Видео: Трамп го местела руска шпионка со „прљав веш“ за Хилари Клинтон

Добивај вести на Viber

Нови сознанија се шират преку весникот The New York Times, кој тврди дека адвокатката Наталија Веселницкаја, која се обидувала да договори директен состанок со Доналд Трамп за време на неговата претседателска кампања, всушност била доушник за рускиот генерален обвинител од 2013 година.

Таа стапила во контакт со кампањата на Трамп, а состанокот во неговата кула го договорил Доналд Трамп Џуниор, синот на американскиот претседател кој сега се повлече од јавноста. На состанокот во Трамп кулата требало да се разговара со Веселницкаја за наводни афери и прљав веш на Хилари Клинтон добиени од разузнавачки извори кои потоа би се искористиле во текот на кампањата за нејзино дискредитирање.

Засега е потврдено дека на средбата присуствувале синот на Трамп, неговиот зет Џеред Кушнер кој сега има функција на советник во Белата куќа, Пол Манафорт поранешен шеф на кампања на Трамп, а сега еден од главните осомничени во истрага на ФБИ и Департмантот за правда, како и повеќе руски државјани. 

Потоа тимот на Трамп се правдаше дека на состанокот воопшто не се разговарало за кампањата на Хилари Клинтон, туку дека руската адвокатка и нејзините соработници сакале да поведат постапка во САД за посвојување на руски сирачиња. 

Сега, The New York Times исто така од разузнавачки извори, тврди дека Веселницкаја е близок соработник на тајните служби на Русија и дека целиот потфат бил направен всушност да се доведе Трамп во директна врска со Кремљ за што истрагата на специјалниот обвинител Роберт Мулер ќе продолжи.