(ВИДЕО) Ураганот „Ирма“ се доближува до Куба, беснеат уште два урагани „Хозе“ и „Катја“

Добивај вести на Viber

Откако вчера ги уништи Карибите, сега ураганот "Ирма" се упатил кон Куба и островите Турк и Каикос и Бахамите, а се очекува потоа да се упати кон југоисточното крајбрежје на САД и да удри прво на Флорида, а потоа врз Џорџија и Јужна Каролина .

Во Куба во многу зони почна евакуација, а меѓу евакуираните се локални жители и 36 илјади туристи. Слични мерки презедоа и властите во Хаити и Доминиканската Република претходно. Ураганот целосно ги уништи и Антигва и Барбуда, а засега зел 14 жртви.

Околу 1,2 милиони луѓе се погодени досега, но бројот може да порасне до 26 милиони, според Меѓународниот црвен крст.

Заедно со тоа, сепак почнаа да покажуваат сила и уште два урагани.

Ураганот "Хозе" зема сили и порасна од прва во трета категорија за неколку часа, соопштуваат од Националниот центар за урагани на САД. Тој се движи со брзина 195 км/ч. "Хозе" беснее во Атлантскиот Океан на 950 километри источно од Малите Антили.

Во Јужна Флорида беше наредено на над половина милион луѓе да се евакуираат, а во Џорџија беше упатена истата наредба кон близу 540 000 лица, пренесоа американските медиуми.

Третиот ураган по име "Катја", кој е од втора категорија, се наоѓа од другата страна на Мексиканскиот Залив. Вечерва тој може да достигне до западната мексиканска држава Веракрус каде ќе влијае над еден милион луѓе.

#HurricaneIrma BREAKING NEWS- HORRIBLE FOOTAGE FROM ST. MARTIN ISLAND AFTER HURRICANE IRMA PASSES OVER. #IrmaHurricane pic.twitter.com/bJ16QFKyJu

— Williamsnews24 (@williamsnews24) September 6, 2017