(ВИДЕО) Знаете ли кој ја гради најголемата џамија на Балканот?
Објавено во: Балкан 26 Јануари, 2019
Во соседна Албанија се гради најголемата џамија на Балканот.
Џамијата ќе има четири минариња високи 50 метри, додека централната купола ќе биде висока 30 метри.
Проектот за изградба на оваа џамија во центарот на Тирана брзо напредува и се очекува дека џамијата, чија изградба ја финансира Турскиот директорат за верски прашања да биде завршена до крајот на годината.
Големата џамија во Тирана (Намазга џамија) ќе биде голем верски центар кој ќе може да прими повеќе од 5.000 луѓе, со библиотека, културен центар и сала за конференции. Покрај Куранот, луѓето тука ќе можат да го изучуваат и турскиот јазик.
Турскиот претседател ФРЕџеп Таип Ердоган присуствувал на свеченото поставување на камен-темелникот на џамијата во Тирана во 2015 година, кога изјавил дека станува збор за „единствен симбол на братството на двете нации”. Џамијата се наоѓа во Албанија, но архитектонски наликува на онаа во Истанбул.
Турција финансирала обнова на повеќе од десетина верски објекти во Косово и изградба на повеќе од 20 џамии. Се планира изградба на уште еден огромен објект како оној во Тирана и во Приштина.