Виновник за банкарската криза е кокаинот

Добивај вести на Viber

Кокаинот ја предизвика банкарската криза во Велика Британија, тврди контроверзниот професор на лондонскиот колеџ, Дејвид Нат. Според него банкарите започнале да конзумираат кокаин кој им дал премногу самодоверба, и поради тоа тие превземале поголеми ризици отколку што било потребно, пренесуваат странските медиуми. -Банкарите користеа кокаин и затоа не вовлекоа во ваков хаос“, изјави Нат. Нат, кој е професор по неуропсихофармакологија на Империјал колеџот во Лондон, често завршувал на насловните страни од британските весници, поради изјавите кои ги давал околу дрогата. Дејвид Нат ги обвини  властите на Велика Британија дека го попречуваат во неговите истражувања за лекот против депресија, со своите апсурдни и луди закони за канабис, екстази и „магични печурки“. До 2009 година, Нат беше главен советник за злоупотреба на наркотици во владата на Велика Британија, по спорната изјава дека „екстазите не се ништо поопасни од јавањето коњи“.