Визна “војна“ на албанско-грчката граница
Објавено во: Балкан 22 Август, 2013 10:49
Властите во Албанија ќе одговорат со реципрочни мерки откако грчките погранични власти воведоа посебни мерки за влегување на албански граѓани во Грција.
Според албански медиуми, грчките власти на двата гранични пункта Какавија и Кристалопиги не дозволиле влез на албански граѓани кои немале визи за престој во Грција.
Албанците се со биометриски пасоши со кои може да патуваат во Шенген, но според албанската телевизија Топ чанел, од вчера грчките власти не дозволувале влез во државата без визи.
Тие барале секој албански граѓанин кој влегува на грчка територија да носи со себе и конкретна сума пари.
Поради тоа, претставник на албанската полиција на граничниот пункт Какавија издал наредба да не се дозволува грчки граѓани да влегуваат во Албанија кои „не можат да објаснат за целта на својот престој во државата“.
– Ќе бараме од грчките граѓани да покажат сума пари која ја носат со себе и резервации за хотели во кои ќе отседнат, односно ќе бараме се што бараат грчките власти за граѓаните од Албанија, изјавил полициски претставник.
Можеби ќе ве интересира
Вјоса Османи се пофали дека уште една земја го призна Косово
Што вели Рама за идејата на новите членки на ЕУ да им се ограничи правото на вето?
(ВИДЕО) Пратениците во албанското Собрание се тепаа и фрлаа чадни бомби
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
