Владата ќе им помага на 48 компании кои ќе инвестираат, очекува нови работни места

Добивај вести на Viber

Владата потпишала оваа година договори со 48 компании за помош за дополнителни инвестиции во рамки на Планот за економски раст за финансиска поддршка на инвестиции. Од овие, 38 се нови договори а 10 се анекси на договори и вредноста на дополнителните инвестици е вкупно 53, 4 милиони евра. Вицепремиерот за економски прашања Фатмир Битиќи рече дека со оваа поддршка овие компании ќе отворат нови 498 работни места.

„Станува збор за инвестиции и развој и стекнување на конкурентска предност во ова време на непредвидливост. Со ова се гарантира стабилност на работни мести и отворање на нови. Овие 48 компании решија да реализираат нови инвестиции и тоа е добро, но ќе значи и за нив во смисла на поддршка на нивната конкурентност на домашниот и на межународните пазари, рече Битиќи. 

Тој рече дела во 2019 се реализирани 17,5 милиони евра, а се отворени нови 146 работни места. Во овие 48 компании кои оваа година потпишуваат нови договори ќе вработат уште 498 нови. Битиќи рече дека добиваат компании од сите региони, не само од Скопје и дека не станува збор само за странски компании како што беше тоа случај порано. 

„И покрај пандемијата и оваа година државата продолжува со поддршка на бизнисот и нашите компании. Кога го создадовме планот пред три години, многу луѓе беа скептични дека нема да даде резултати и дека нема креира нови работни места, но не испадна така, рече министерот за економија Крешник Бектеши.