Владата ќе помогне - лозарите ќе си ги добијат парите
Објавено во: Економија 03 Февруари, 2019
Лозарите ќе си ги добијат парите кои им ги должат винариите.
Владата ќе го исплати долгот што винарниците „Повардарие“ и „Стефанс винарија“ го имаат кон лозарите. Ова го изјави вчера министерот за земјоделство, Љупчо Николовски по средбата со лозарите во Кавадарци.
Владата од државниот буџет за оваа намена ќе одвои повеќе од 1,5 милиони евра. Ќе бидат опфатени сите лозари кои во периодот од 2014 до 2016 година го предале грозјето во винарници кои што во тој период биле регистрирани во регистарот на Министерството за земјоделство, а не добиле пари за предаденото грозје.
„Ова е вистински пример на грижа на државата за граѓаните и враќање на парите кај граѓаните“, Николовски.
Градоначалникот на Кавадарци Митко Јанчев рече дека имало гнев кај лозарите поради неплатени обврски повеќе од четири години.
Лозарската приказна за неисплатениот долг на лозарите од 2014, 2015 и 2016 година конечно има епилог.Од СДСМ велат дека продолжува вистинската грижа кон лозарите, кон земјоделците. Се решава уште еден наследен проблем од власта на ВМРО-ДПМНЕ, додаваат од партијата.