ВМРО-ДПМНЕ денеска избира нов генерален секретар
Објавено во: Македонија 30 Септември, 2020
ВМРО-ДПМНЕ денеска ќе го избере новиот генерален секретар, кој ќе треба да го замени Игор Јанушев. Ова синоќа на Телма го најави Христијан Мицкоски, лидерот на најголемата опозициска партија.
Јанушев ја поднесе оставката пред десетина дена, со образложенбие дека тоа на седницата на Извршниот комитет го сторил од лични причини, но и дека останува верен на политиките на партијата.
Тој беше именуван за генерален секретар на партијата набрзо по изборот на Мицкоски на чело на ВМРО-ДПМНЕ, а го предводеше и централниот изборен штаб на партијата на неодамнешните парламентарни избори.
Јанушев за прв пат стана пратеник како носител на листата на ВМРО-ДПМНЕ во третата изборна единица по изборите на 15 јули.