ВМРО-ДПМНЕ го нападна и синдикалецот Деаноски: Платата му била 104.000 денари

Добивај вести на Viber

ВМРО-ДПМНЕ овие денови го нападна и лидерот на синдикатот на администрацијата УПОЗ, Трпе Деаноски, откако овој поддржа протест на 2 април организиран од страна на Сојузот на синдикати на Македонија.

Од УПОЗ и ССМ реагираа дека Владата еднострано ја усвоила информацијата за законското зголемување на минималната плата, додека овие две синдикални организации се залагаат за многу поголема минимална плата за работникот.

За ВМРО-ДПМНЕ, како пшто нагласуваат во денешното соопштение за јавноста, Деаноски и лидерот на ССМ, Слободан Трендафилов, се луѓе на опозициската СДСМ.

„Доказ за тоа дека се лажни синдикалци и воопшто не им е грижа за работниците е тоа што според информациите кои ги имаме, Трпе Деановски од УПОЗ, зема 4 пати поголема плата од минималната плата, односно 104.000 денари.

Истиот тој Трпе Деановски, ги лаже работниците во очи, додека тој се луксузира на нивен трошок, а притоа за 2024 година и првите 2 месеца од 2025 година, тој има добиено 1.800.000 денари плата и додатоци.

Додека ги лаже работниците за минималната плата и дека се бори за нив, тој има земено за само една година, 69 минимални плати, односно околу 30 илјади евра.

Синдикалецот на батерии, Деановски за една година земал пари колку што работниците кои демек  тој ги застапува, не можат да земат ниту за 6 години.

Трпе Деановски работи по насока на Слободан Трендафилов, кој  работи по насока на СДС. Тие се веќе прочитана приказна и нивното лицемерие не поминува“, соопшти ВМРО-ДПМНЕ.