ВМРО-ДПМНЕ: Оливер Спасовски ја вработил сопругата на Никола Дујоски
Објавено во: Македонија 31 Август, 2019
Опозициската ВМРО-ДПМНЕ го обвини министерот за внатрешни работи Оливер Спасовски ја вработил сопругата на Никола Дујоски пред деканот на Факултетот за безбедност да биде назначен за предводник на независната работна група за спроведување ветинг во МВР.
- Никола Дујоски ќе ја води работната група, но има конфликт на интереси. Неговата сопруга е вработена пред неколку месеци од Спасовски, а тој треба да каже за колкава плата и на кое работно место, велат денеска од ВМРО-ДПМНЕ.
Во четвртокот се одржа првиот состанок на работната група формирана од министерот за внатрешни работи, Оливер Спасовски, по заклучок на Владата, која има задача да спроведе анализа на тековната состојба, да утврди конкретен модел за спроведување на процесот на проверка (ветинг) на вработените во Министерството за внатрешни работи, односно да изготви предлог – план на мерки, активности и динамика за спроведување на ветингот.