ВМРО-ДПМНЕ продолжува со протестите, денеска на тема Гоце Делчев

Добивај вести на Viber

Денеска попладне ВМРО-ДПМНЕ повторно излегува на протест, а по двата на кои се изрази незадоволството против поскапувањето на струјата од страна на Регулаторната комисија за енергетика, денешниот ќе биде за Гоце Делчев за кој се спори во мешовитиот комитет составен од комисиите на македонски и бугарски историчари.

Од најголемата опозициска партија тврдат дека станува збор со трговија со македонскиот идентитет од страна на власта, преговарајќи за ликот и делото на Гоце Делчев.

„Се работи за мошне чувствителен период и тоа време кога и им треба нашата поддршка на нашите историчари кои се дел од тимовите за преговори за да ја бранат вистината за Гоце и да не потклекнуваат на трговии и политички притисоци.

Затоа, ВМРО ДПМНЕ организира во вторник со почеток во 18:30 часот Протестен собир кој ќе започне од пред Министерството за правда, ќе продолжи преку мостот „Гоце Делчев“ се до зградата на Министерството за надворешни работи. Протест на кој ќе изразиме поддршка за членството во ЕУ, за Македонија и за Гоце Делчев кој е нашето постоење и нашиот идентитет. Делчев се борел за народна слобода и пред се културен и сестран развој што е и основа на европските вредности кон кои ние сите се стремиме. Делчев е ликот кој треба да не обединува, а не да не разединува“ најави Владо Мисајловски, пратеникот на ВМРО-ДПМНЕ.

Од таму најавуваат мирен протест, но и се сомневаат дека власта намерно угрла поединци кои имаат за цел да го дискредитираат циклусот на протести од страна на опозицијата. Владата од сдруга страна смета дека во едно демократско општество стандардите се дека опозицијата не треба да протестира во првите сто дена од нејзиното формирање.