ВМРО-ДПМНЕ ЗА КАДРИТЕ НА СДСМ: Заев има тим за пораз
Објавено во: Македонија 09 Март, 2020
Од ВМРО-ДПМНЕ велат дека СДСМ оди на избори со стари и истрошени кадри од времето на транзицијата.
Додаваат дека ова е тим за пораз на Зоран Заев во кој нема ниту еден свеж кадар.
„Радмила Шекеринска е политичар од времето на транзицијата, присутна во политиката уште од 90 - тите. Шекеринска нема што ново да понуди. Шекеринска во политиката значи нови бомбона бизниси на штета на државата, десетина стана стекнати на сомнителен начин, тендери за набавка на возила два пати поскапи од реалната пазарна цена. Шекеринска е симбол на едно мрачно минато, кое граѓаните не сакаат да се врати. Никола Димитров е човекот кој со свиткана кичма ја кршеше кичмата на македонецот. Тој е син на Димитар Димитров, човекот кој што го колнеше оној кој ќе го смени името на државата, со клетвата да му се исуши раката, за на крај тој човек да биде неговиот син. Човек кој е на печалба во партиите. Мила Царовска е синоним за негрижа. Иако Царовска беше 3 години министер за труд и социјална политика стотици луѓе беа по улиците, просеа и не им беше решен статусот. Наместо грижа за граѓаните, таа се грижеше за тендерите на нејзиниот партнер. Згора на се над 10000 луѓе остави без надоместок за туѓа нега“, стои во реакцијата.
Додаваат дека Оливер Спасовски не е ново лице.
„Ќе беше вистински чудно доколку на листите не беше и Панчо Минов како и Зекир Рамчиловиќ со кој Заев ги донесе срамните уставни измени што уште еднаш докажа дека седи зад пазарењето и уценувањето пратеници. СДСМ создаде тим за пораз. СДСМ има екипа за во опозиција. Тим кој не носи назад, а не напред.Неколкумина кој одбраа како фриленсери да одработуваат за него, Заев ги прибра и неуспешните поранешни кадри на ВМРО ДПМНЕ“, се наведува во реакцијата.
Според нив, СДСМ не се менува и настапува со стари и компромитирани кадри.