ВМРО-ДПМНЕ: Зголемувањето на границата за пензионирање и придонесите е удар врз економијата
Објавено во: Економија 23 Февруари, 2018
Од ВМРО-ДПМНЕ велат дека зголемувањето на старосната граница за пензионирање и стапката на придонесите за ПИО, која беше најавена од премиерот Зоран Заев е удар врз економијата, работодавачите и работниците.
Додаваат дека СДСМ ветуваше помали даноци и давачки од опозиција, за сега од позиција на власта го прави спротивното.
„Зголемувањето на старосната граница за пензионирање ќе го забави економскиот раст, ќе влијае на зголемување на невработеноста и ќе предизвика зголемување на стапката на младинска невработеност. Постојаната старосна граница е во рамките на просекот на европските земји и целосно одговара на демографските карактеристики на работна сила во Република Македонија. ВМРО-ДПМНЕ ги подржува и јавно искажаните ставови на синдикатите и организациите на работодавачите за не зголемување на старосната граница на пензионирање. Целосно неиздржани се и предлозите за зголемување на стапката на придонеси за пензиско и инвалидско осигурување, тоа ќе предизвика застој во отворање на нови работни места и пад на платата на веќе вработените. Ниската стапка на придонеси за ПИО е мерка на ВМРО-ДПМНЕ, која помогна за отворање на нови работни места и намалување на невработеноста. ВМРО-ДПМНЕ со цел намалување на трошоците за бизнисот и стимулирање на вработувањата ја намали стапката за придонеси од 21.2% во време на СДСМ на 18%, заради енормно високата стапка на невработеност од 39%, која владата на ВМРО-ДПМНЕ во 2006 година ја наследи од СДСМ, а со помош на квалитетните економски мерки, меѓу кои и намалувањето на стапката на придонеси за Стапката на придонеси не смее да се зголемува “- изјави Драган Данев од ВМРО-ДПМНЕ.
Тој вели дека нови трошоци за бизнисот не смее да има, а државата не смее да биде пречка за бизнисот.Вчера во Собранието на седница за пратеничка прашања, Заев најави можно зголемување на возраста за пензионирање и на придонесите за вработените, ако економијата во земјата не се подобри. Тој изјави дека секоја година државата ја покрива „дупката“ во ПИОМ и оваа година таа е приближно 500 милиони евра.
Можеби ќе ве интересира
„ПЛАТАТА НА КЕЛНЕРИТЕ ВО ХРВАТСКА 1.200 ЕВРА, ВО АВСТРИЈА 3.000 ЕВРА“: ќе работат само луѓе од трети земји
„Да се напушти вештачкото надувување на капиталните инвестиции“: еве што велат економистите за изборните ветувања на партиите
ПОРАДИ КЛИМАТСКИТЕ ПРОМЕНИ: Колку маслиново масло произведува Шпанија?
СИНОТ НА СВЕТОЗАР, ЈАНЕ ЈАНЕВСКИ, СТАНУВА ПРЕТСЕДАТЕЛ НА УО НА „АУТОМАКЕДОНИЈА“ - и оттаму заминува Џон Илија Јоновски
НОВА ИНИЦИЈАТИВА ДО УСТАВЕН СУД ЗА УКИНУВАЊЕ НА ЧЛЕН 368 ОД ЗАКОНОТ ЗА ОБЛИГАЦИОНИ ОДНОСИ - тој е негативен за приватниот сектор
КОЛКУ ДИВИДЕНДА ЌЕ ДОБИЕ СИМОН, А КОЛКУ САШО НАУМОСКИ - прилепска „Витаминка“ го објави планот, еве ги деталите
ЦРН ДЕН ЗА ГЕРМАНСКАТА ЕКОНОМИЈА: Гигантот го прекина производството по 30 години - позната компанија ја изгуби трката со кинеска фирма
АСО ја охрабрува Владата за измени на Тарифникот за авто-осигурување
Стотици домаќинства сега продаваат струја во Македонија, интересот сепак ограничен
