Во балканска земја на која добро и одеше, граѓаните почнуваат да тонат во долгови
Објавено во: Балкан 08 Мај, 2018
Во Словенија се зголемува бројот на граѓани кои се презадолжени.
Бројот на граѓани на кои им се закануваат извршители и блокирање на сметките во Словенија се зголемува секоја година, а меѓу нив не се само оние кои подигнале кредити на основа на швајцарскиот франк, туку и многу пензионери, покажуваат податоците од институциите кои се занимаваат со решавање на овој социјален проблем.
„Пред да се задолжите во банките или кај приватни лица важно е добро да размислите дали тие средства навистина ви се потребни и какви се ризиците“- вели Алина Мешко од најпознатото здружение за заштита на потрошувачите.
Словенечкиот сојуз за заштита на потрошувачите (ЗПС), кој пред три години не успеа да се договори со Владата долговите до одреден износ да се отпишат со цел на презадолжените да им се овозможи нов почеток, сега издаде брошура со детални совети за тоа како да се избегне модерното должничко ропство, со основна порака дека во услови на тешка финансиска ситуација, тие не треба да ги затвораат очите пред проблемите, туку да побараат помош и да изготват план за излез од тие проблеми.