Во Црна Гора организираат натпревар во одморање – За „најмрзливиот“ 200 евра

Добивај вести на Viber

Натпреварување во одмарање под слоганот „има леб без мотика“  организираат сопствениците на етно селото „Монтенегро“ од Брезан во Црна Гора.

Сите заинтересирани „мрзливци“ може да се пријават за натпреварот кој во тоа етно село ќе се одржи на 30-ти август. Победникот ќе добие награда од 200 евра.

„Пропозициите се јасни, на натпреварувачите им е дозволено да пијат вода и да јадат, но не им е дозволено да стануваат од местото за одмор без разлика на поводот, па макар и да имаат физиолошки потреби. Натпреварувачот кој ќе издржи најдолго да се одмора под сенка е победник, а ќе има и парична наградата“, рекол сопственикот на етно селото, Микоња Благојевиќч, и додал дека за натпреварувачите кои доаѓаат од сранство им е обезбедено сместување по ниски цени.

Тој ги повика сите политичари и доктори и останати да се пријават за да може да заработат без да платат нешто.

Дека Црногорците навистина се добри во одмарање, покажа ланскиот натпревар, каде после 24 часа четворицата „најиздржливи“ решиле да си ја поделат наградата, за натпреварот да не трае со денови.