Во Европа 15 проценти од сиромашните луѓе не можат да си дозволат загревање на домовите
Објавено во: Економија 27 Септември, 2021
Во ЕУ скоро три милиони луѓе не можат да ги загреат домовите.
Дел од европските граѓани не можат да си дозволат да ги загреат домовите поради ниските плати, покажуваат податоците на Евростат. На почетокот на есента и во пресрет на зимата, 15 проценти од сиромашните луѓе во Европа, кои се вработени нема да можат да вклучат греење. Овој процент е еднаков на 2.713.578 луѓе низ Европа, предупредува Европска конфедерација на синдикати (ЕКС). Ситуацијата е влошена во десетина земји-членки на ЕУ во изминатата деценија. Најлошо е на Кипар – 45,6 проценти, потоа Бугарија – 42,8 проценти, Литванија – 34,5 проценти. Најголем раст на сиромашни работници, 16,5 проценти, кои не можат да си дозволат греење од 2009 година има во Хрватска.