ВО ЕВРОПА ПОСТОИ: Oваа земја ја нарекуваат Колумбија поради дрогата
Објавено во: Балкан 29 Јануари, 2019
Во регионот постои земја која ја нарекуваат европска Колумбија.
Индипендент пишува дека експертите ја опишуваат Албанија како „европска Колумбија“. Во анализата се наведува дека нарко-клановите се поврзани со полицијата и политичарите.
Албанските власти пред неколку години почнаа агресивна акција со надеж дека со уништувањето на полињата канабис и апсењето на дел од одгледувачите ќе ја намалат моќта на шверцерите на дрога и ќе помогнат земјата да се приближи до ЕУ.
Сепак, дилерите постепено „се префрлиле на попрофитна работа и посмртоносна игра“ – трговијата со кокаин и хероин, пишува Индипендент.
Албанските кланови се вбројуваат меѓу најголемите трговци со кокаин, хероин и канабис во светот, пишува Индипендент.
Европските и американските полициски службеници ја опишуваат Албанија како најголем снабдувач на канабис за ЕУ.
Во големата анализа со наслов „Европската Колумбија – како малата Албанија стана седиште на шверцот на дрогата на континентот“ се наведува дека трговците со дрога сега ги користат истите мрежи кои ги користеле за превоз на канабисот за дистрибуција на кокаинот од Јужна Америка и хероинот од Азија преку Италија и останатите делови на Европа.