ВО КОЈ ГРАД ГИ ИМА НАЈМНОГУ: Еве каде живеат светските милијардери
Објавено во: Економија, Стил 29 Октомври, 2015
Десет одсто од најбогатите луѓе на светот држат 87,7 одсто од светското богатство, а еден одсто од тие луѓе има повеќе од половина светски финансии во своја сопственост.
Одговорот на прашањето каде живее најголем број светски милијардери и не е изненадувачки.
Како адреса на примарен престој најголем број милијардери има во Њујорк и тоа е официјално од 2015 година. Њујорк е град домаќин за 78 светски милијардери.
Вкупниот број на милијардери во САД изнесува 541, а најголем процент од нив е во „Големото јаболко“.
После Њујорк на ред е Москва. Повторно без изненадување, која е резиденцијата на 68 милијардери. 68 од нив заедно имаат 333,9 милијарди долари. Во просек тоа е богатство од 4,79 милијарди по лице.
Број три на листата градови со најголем број милијардери е Хонг Конг . Овој град се смета и за глобален финансиски центар во последно време, а инетресно е тоа дека повеќето милијардери од Хонг Конг всушност се сопственици на казина.
Единствен град од Европа на оваа листа во кој живеат најмногу милијардери е Лондон. Тој е дом за 46 лица со енормно богатство, чија здружена количина на имот брои 133,9 милијарди долари.
Пекинг е пети а во него живеат 45 милијардери. Еден одсто од вкупниот број на милијардери во Кина се од Пекинг,а воедно и градот во кој процентуално најмногу луѓе на светот се збогатуваат.
Дубаи брои 34 домови на сопственици милијардери. Овој град еднаш годишно произведува еден милијардер, а третина од најбогатите лица на Средниот исток живеат токму во Дубаи.
Мумбаи или поранешен Бомбај во Индија брои 33 милијардери. Цела Индија има 68 милијардери, а малку помалку од половината од нив живеат во главниот град.
Прогнозите и пресметките велат дека Иднија во следните 10 години би требало да ги зголеми двојно своите милијардери.