Во МОН и кинезиолог може да работи јавни набавки за плата од над 20 илјади

Добивај вести на Viber

Министерството за образование и наука објави повеќе огласи за пополнување на советнички места и административци, но особено внимание привлече огласот за вработување на нов помлад соработник за јавни набавки кој според наведените посебни услови може да има диплома од областа на кинезиологијата, наука која е поврзана со медицината за справување со физички и телесни повреди. Во продолжение погледнете го огласот на МОН во целост. 

Помлад соработник за јавни набавки, Одделение за координација на јавни набавки, Сектор за организациони работи на Министерството (1) извршител(и)

Општи услови

•   да е државјанин на Република Македонија,
•   активно да го користи македонскиот јазик,
•   да е полнолетен,
•   да има општа здравствена способност за работното место
•   со правосилна судска пресуда да не му е изречена казна забрана на вршење професија, дејност или должност.

Посебни услови

• ниво на квалификациите VI Б според Македонската рамка на квалификации и стекнати најмалку 180 кредити според ЕКТС или завршен VII/1 степен, правни науки, кинезиологија или политички науки
• со или без работно искуство

 Општи работни компетенции

• решавање проблеми и одлучување за работи од својот делокруг
• учење и развој
• комуникација
• остварување резултати
• работење со други/тимска работа
• стратешка свест
• ориентираност кон странките/засегнати страни и
• финансиско управување

 Посебни работни компетенции

• активно познавање на компјутерски програми за канцелариско работење
• активно познавање на еден од трите најчесто користени јазици на Европската унија (англиски, француски, германски)

Распоред на работно време

•  Работни денови понеделник - петок
•  Работни часови неделно 40
•  Работно време од 07:30 до 15:30
•  Опис за работното време со почеток на работното време помеѓу 7:30 и 08:30 часот и завршеток на истото помеѓу 15:30 и 16:30 часот

Паричен нето износ на плата: 20.987,00 Денари

НАПОМЕНА: Предвидени вработувања согласно годишниот план на институцијата за 2018 год. се : Македонец(ка) 1.