Во Њујорк се судрија поддржувачите на Палестинците и Евреите
Објавено во: Свет 21 Мај, 2021
Teнзично беше денеска и во Њујорк, каде живее една од најголемите еврејски заедници во САД. Наводно таму избиле судири меѓу Палестинците и нивните поддржувачи од една страна и Евреите од другата страна, заради што морала да интервенира и полицијата.
На социјалните мрежи се појавија повеќе снимки од насилството на улиците во Њујорк меѓу поддржувачите на Палестинците и членовите на еврејската заедница.
Ова е втор ден како се одржуваат протести во градот, откако вчера имало прво провокации, а потоа и антисемитски пораки.Нови немири имало во Ерусалим по петочната молитва и покрај прекинот на огнот кој го договорија Израел и Хамас.
Судири имало меѓу Палестинците и израелските власти се случија во комплексот на џамијата „Ал-Акса“ во Ерусалим. Од израелската полиција велат дека Палестинците фрлале камења кон полицајците, па властите морале да употребат шок-бомби и солзавец.