Во овој град имотите поскапеа за 15%

Добивај вести на Viber

Просечната цена на становите во главниот град на Бугарија, Софија веќе е над 900 евра за метар квадратен. 

Пазарот на недвижности во оваа година доживува бум. Ова го изјави извршниот директор на агенцијата за недвижност,  Bulgarian Properties, Полина Стојкова за Bloomberg TV Bulgaria. Просечната цена на квадратен метар станбена површина во Софија за прв пат од кризата надмина 800 евра кон крајот на 2015 година. Растот на цените продолжува и оваа година.  Во Софија квадрат веќе е над 900 евра (930 евра за третиот квартал), покажуваат податоците на агенцијата. Растот на цените на куќите во главниот град достигна 15% кон крајот на изминатото тримесечје во однос на истиот период минатата година, рече  Стојкова.

Бугарија е на врвот во ЕУ по скок на цените на имотите. Ова го покажуваат податоците на европската статистичка служба Еуростат за вториот квартал на годината.  Растот на цените на куќите во Бугарија се забрзува во вториот квартал на 2,8% во однос на претходното и 6,5% на годишна основа. Тоа ја  рангира земјата меѓу првите 10 од ЕУ за скок на цените на недвижностите. За вториот квартал повисок раст на цените на куќите е забележан само во балтичките држави - Латвија со 6,6%, Литванија и Естонија со 3,1%, како и во Велика Британија - 3%. Просечниот за ЕУ ​​раст на цените на куќите за кварталот е 1,6%, а за еврозоната - 1,4%. Што се однесува до висината на цените на куќите на годишна база, пред Бугарија се Унгарија и Летонија со 10,3%, Австрија со 9%, Велика Британија со 8,8%, Шведска со 8,7% и Романија со 6,8 %.