„ВО ПРАТЕНИЧКИТЕ КЛУПИ Е СЕДНАТ НАЈГОЛЕМИОТ ШЛАЈМ НА ВМРО-ДПМНЕ И ЗНАМ“: Најчевска застана на страната на „Левица“, вели во Собранието изнеле конкретни аргументи

Добивај вести на Viber

Професорката Мирјана Најчевска застана во одбрана на пратениците на политичката партија „Левица“ и ги оправда нивните аргументи на собраниската говорница.

„Од страна на пратениците на Левица беа изнесени многу конкретни аргументи со кои се покажа дека Африм Гаши (не како етнички Албанец туку како пратеник) не заслужува да биде претседател на Собранието.

Беше јасно покажано дека за време на мандатите како партеник не учествувал во расправите, не бил присутен на седниците и не ја разбира функцијата на Собранието.

Наспроти овие аргументи пратениците на ДПМНЕ не дадоа ниту еден противаргумент. Тие излегоа само со навреди ад персонем против партениците на Левица, со плукање по Шарената револуција (со што јасно застанаа на страната на режимот на Груевски) и застанаа зад вонсобраниски договор меѓу партиите и се спротиставија на дебата во Собранието.

Со ова, од самиот почеток тие покажаа дека ќе бидат само извршители на вонсобраниските партиски договори со единствена задача да притискаат копчиња, и дека воопшто не се ни пратеници туку обични папагали седнати во пратеничките столчиња.

Со тоа што пратениците на СДСМ и на ЗНАМ молчеа покажаа дека не ја научиле лекцијата и дека немаат појма што значи тоа да си пратеник и дека во пратеничките клупи е седнат најголемиот шлајм на овие партии“, напиша таа.